Эффектив оқытыӯ ҳәм оқыӯдыӊ әҳмийети

Эффектив оқытыӯ ҳәм оқыӯдыӊ әҳмийети

Эффектив билим бериӯ ҳәм нәтийжели билим алыӯдыӊ баслы элементлери неде деген сораўға педагогикалық көзқарасымды билдирип өтиўди мақул көрдим.

Инглис тили пәни муғаллими ретинде мениӊ көзқарасым, бириншиден, бизге өз пәнинен терең билимге ийе ҳәм оқыӯшылардыӊ ҳәр бир сораӯына жуӯап бере алатуғын компетентли муғаллимлер зәрүр.

Екиншиден, муғаллимлер өз кәсибин сүйиӯи, басқаларды да өз пәнине қызықтыра алатуғын дәрежеде ықласлы болыӯы керек. Солай екен, өзиниӊ оқытып атырған пәнине немқурайдылық пенен қарайтуғын муғаллимлер әӯметсизликке ушыраӯы анық.

Үшиншиден, муғаллимлер бир ӯақыттыӊ өзинде бир неше қәсийетке ийе болыӯы, адамлар менен араласып тил табысыўы, позитив көзқарас ҳәм көриниске ийе болыӯы, ҳәмийше сабаққа таяр ҳәм шыдамлы болыӯы керек.

Буннан тысқары, оқытыӯ ҳәм оқыӯдың нәтийжели усылы ҳәм технологиялар бар. Бирақ мениӊ исенимим кәмил, шебер муғаллим оқыӯшылардыӊ еӊ жақсы қәбилетин класста жарата алады.

Және бир әҳмийетли фактты атап өтиў орынлы. Эффектив билимниӊ баслы ингредиенти, улыӯма ҳәр бир тараӯдыӊ раӯажланыӯы ушын бийбаҳа ҳәм қәдирли саналған – бул тынышлық. Егер Ана-Ӱатанымызда тынышлық ҳәм тәртип болмағанында, эффектив билим ҳаққында гәп те болмас еди.

Ҳәммесин инабатқа ала отырып, мениӊше ҳәр бир муғаллим ҳәм ҳәр бир оқыӯшы жаратылған имканиятларды қәдирлеӯи ҳәм баҳалап билиӯи, олардан толық пайдаланыӯы тийис. Оған жуӯап ретинде мәмлекетлик билимлендириӯге өзиниӊ бийбаҳа үлесин қосыӯы керек.

Индира ҚОСБЕРГЕНОВА,

Хожели районы, 28-санлы мектептиӊ

инглис тили пәни муғаллими.